Aliyosema Rais na Mwenyekiti wa Bodi ya Wakurugenzi wa Benki ya Maendeleo ya Afrika (AfDB) Dkt. Akinwumi Adesia*

YALIYOJIRI LEO JANUARI 28,2025 WAKATI WA MKUTANO WA WAKUU WA NCHI ZA AFRIKA KUHUSU NISHATI ULIOFANYIKA KATIKA UKUMBI WA MIKUTANO WA KIMATAIFA WA JULIUS NYERERE JNICC JIJINI DAR ES SALAAM.

*Aliyosema Rais na Mwenyekiti wa Bodi ya Wakurugenzi wa Benki ya Maendeleo ya Afrika (AfDB) Dkt. Akinwumi Adesia*

#Napenda kutoa shukrani zangu kwa Mheshimiwa Rais Samia Suluhu Hassan, kwa ukarimu wake mkubwa wa kutukaribisha kwa ajili ya Mkutano huu,  Wewe ni kiongozi wa kipekee! Daima ni furaha kubwa kuwa Tanzania!

#Napenda pia kutoa shukrani zetu kwa Mwenyekiti wa Umoja wa Afrika, Rais Ghazouani, Rais wa Jamhuri ya Kiislamu ya Mauritania, kwa kushirikiana nasi katika kuandaa Mkutano huu.

#Ninawashukuru sana, Mheshimiwa Marais na Wakuu wa Serikali, kwa kuitikia mwaliko wetu na kwa kuja kwa idadi kubwa isiyo ya kawaida. Hii inaonesha umuhimu wa juu na dhamira ya kisiasa mnayoweka katika kupanua upatikanaji wa umeme kwa wananchi wenu.

#Upatikanaji wa umeme ni muhimu kwa ukuaji wa kiuchumi wa Afrika, Ukosefu wa umeme wa kutosha hupunguza Pato la Taifa (GDP) la Afrika kwa asilimia 2 hadi 4 kila mwaka.

#Mheshimiwa Viongozi, tangu Benki ya Maendeleo ya Afrika (AfDB) ilipozindua Mpango wa Nishati Mpya kwa Afrika mwaka 2016, mwanzoni mwa muhula wangu wa kwanza kama Rais wake, maendeleo makubwa yamepatikana katika kupanua upatikanaji wa umeme, asilimia ya watu waliopata umeme barani Afrika imeongezeka kutoka 39% mwaka 2015 hadi 52% mwaka 2024.

#Benki ya Maendeleo ya Afrika imewezesha zaidi ya watu milioni 25 kupata umeme.

#Hata hivyo, licha ya maendeleo haya, Afrika bado ina watu milioni 571 wasiokuwa na umeme, sawa na asilimia 83 ya watu wote duniani wasio na umeme, zaidi ya watu bilioni 1 hawana ufumbuzi wa kupikia kwa usafi, hali ambayo inaathiri vibaya afya ya wanawake, watoto, na maisha yao.

#Sasa ni wakati wa kuchukua hatua madhubuti kupunguza idadi hizi zaidi, ndiyo maana mimi, pamoja na Ajay Banga, Rais wa Benki ya Dunia, tulishirikiana kuzindua Mission 300, lengo likiwa ni kupanua upatikanaji wa umeme kwa watu milioni 300 barani Afrika ifikapo mwaka 2030.

#Misheni 300 imekua na kuwa harakati ya kimataifa, tukiungwa mkono na Tume ya Umoja wa Afrika na washirika mbalimbali wa kimataifa, wakiwemo Rockefeller Foundation, Sustainable Energy for All ya Umoja wa Mataifa, na Global Energy Alliance for People and the Planet.

#Hatuko peke yetu. Tumeungwa mkono pia na Benki ya Maendeleo ya Kiislamu, Benki ya Miundombinu ya Asia, Shirika la Maendeleo la Ufaransa, na mashirika mengine ya maendeleo ya nchi mbili.

#Tutaweza kufanikisha hili tu ikiwa tutashirikiana kwa karibu na kuipa nafasi kubwa sekta binafsi. Ndiyo sababu tunafurahia kwamba Wakurugenzi Wakuu kadhaa wa kampuni kubwa wameungana nasi leo.

#Marekebisho makubwa yanahitajika ili kupanua matumizi ya vyanzo vya nishati jadidifu, kuboresha utendaji wa mashirika ya umeme, uwazi katika utoaji wa leseni, mikataba ya ununuzi wa umeme, na utaratibu wa bei unaotabirika unaoakisi gharama za uzalishaji.

#Sekta binafsi pia itakuwa muhimu katika kupanua gridi ndogo na mifumo isiyo ya gridi kufikia mamilioni ya watu vijijini wasiokuwa na umeme wa gridi kuu.

#Juhudi zetu za pamoja ni kusaidia ninyi, wakuu wa nchi na serikali, kuandaa na kutekeleza mipango madhubuti inayosimamiwa na nchi kwa lengo la kufanikisha upatikanaji wa umeme kwa wananchi wenu.

#Benki ya Maendeleo ya Afrika na Benki ya Dunia zimetengeneza mkakati wa wazi kufanikisha lengo la kupatia watu milioni 300 umeme. Pamoja, Benki ya Maendeleo ya Afrika na Benki ya Dunia zitachangia dola bilioni 40 kwa Mission 300, ambapo dola bilioni 18.2 zitatoka Benki ya Maendeleo ya Afrika na dola bilioni 22 zitatoka Benki ya Dunia.

#Hili ni ushirikiano wa aina yake, asante sana Ajay kwa ushirikiano wako!

Na asante sana Raj Shah, Rais wa Rockefeller Foundation, kwa msaada wa kiufundi wa dola milioni 20 uliowezesha maandalizi ya mikataba ya nishati ya nchi mbalimbali!

#Mheshimiwa Viongozi,

Msaada kwa Mission 300 unaendelea kuongezeka, jana, katika siku ya kwanza ya Mkutano, washirika mbalimbali wa maendeleo walitoa matangazo makubwa kuunga mkono Mission 300:

#Rais wa Benki ya Maendeleo ya Kiislamu alitangaza msaada wa dola bilioni 2.5, Rais wa Benki ya Miundombinu ya Asia alitangaza msaada wa dola bilioni 1.5.

#Rais wa Mfuko wa OPEC alitangaza msaada wa dola bilioni 2, serikali ya Ufaransa inatarajia kutoa tangazo kubwa leo.

#Tuna matumaini kwamba washirika wengine waliopo hapa pia watajiunga na kutangaza ahadi zao za msaada.

#Mheshimiwa Viongozi, sasa tunahitaji uongozi wenu wa moja kwa moja kufanikisha hili.

#Pamoja, tumia Mission 300 kuhakikisha watu milioni 300 wanapata umeme barani Afrika kufikia mwaka 2030.

#Mpango wa Desert to Power wa dola bilioni 20 wa Benki ya Maendeleo ya Afrika utaongeza nguvu kwenye Mission 300, kwa kuendeleza megawati 10,000 za nishati ya jua katika nchi 11 za Sahel na kuwapatia umeme watu milioni 250 zaidi.

#Mission 300 na Desert to Power kwa pamoja zitawawezesha Waafrika milioni 550 kupata umeme. Hili litahakikisha upatikanaji wa umeme kwa wote barani Afrika.

#Hilo litafanya tofauti kubwa kwa nchi zenu!

Na litafanya tofauti kubwa kwa Afrika!

Mtakumbukwa kama Marais waliowapa nchi zenu upatikanaji wa umeme kwa asilimia 100!

Mtakumbukwa kama Marais waliosema, “Iwe na Nuru” na “Nuru ikawa”!

*IMEANDALIWA NA IDARA YA HABARI-MAELEZO.*