RC RUVUMA KANAL ABBAS ATOA MAAGIZO MATANO WASIMAMIZI WA MIRADI SONGEA
Mwandishi wetu, Ruvuma
Mkuu wa Mkoa wa Ruvuma, Kanal Ahmed abbas Ahmed ametoa maagizo matano kwa wasimamizi wa miradi ya Maendeleo katika Halmashauri ya Wilaya ya Songea.
Maagizo hayo ameyatoa akiwa katika Ziara yake ya kukagua miradi ya Maendeleo katika Halmashauri ya Wilaya ya Songea, ambapo alitembelea na kukagua ujenzi wa Shule ya Sekondari Amali, ukamilishaji wa Bwalo la chakula Shule ya Sekondari Jenista Mhagama, na ujenzi wa Stendi kijiji cha Parangu
Ameyataja maagizo hayo kuwa ni kuongeza kasi ya utekelezaji wa Miradi ya maendeleo ili ikamilike, kuongeza umakini kuanza na umaliziaji wa Miradi, Thamani ya fedha ( value for money )inalingana na majengo yanayojengwa, Ushirikishwaji wa wananchi mradi unaanza mpaka unakamilika, upatikanaji wa Vifaa, uzingatiwe katika kipindi hiki cha Mvua, na vile ambavyo haviharibiki vifike eneo la kazi.
“katika ziara hii kiukweli nimeona kazi nzuri inayotekelezwa, lakini na mimi pia nimeona yapo maagizo yakuweza kuwapa ambayo mkiyafanyia kazi, mtaenda vizuri"
0 Comments